രണ്ട് വയസുകാരിയെ ബലാത്സംഗം ചെയ്ത് കൊലപ്പെടുത്തിയ കേസില്‍ അമ്മാവന്‍ അറസ്റ്റില്‍. കര്‍ണാടകയിലെ അത്തിബെലെയിലാണ് ഈ ദാരുണ സംഭവമുണ്ടായത്്. വീട്ടിലേക്ക് സാധനം വാങ്ങാന്‍ പെണ്‍കുട്ടിയുടെ കൂടെ കാറില്‍ പോകുമ്പോഴാണ് അതിക്രമമുണ്ടായതെന്ന് പൊലീസ് അറിയിച്ചു. ബലാത്സംഗത്തിനിടെ നിലവിളിച്ച പെണ്‍കുട്ടിയെ ഇയാള്‍ മര്‍ദ്ദിച്ചതാണ് മരണത്തിന് കാരണമായതെന്ന് പൊലീസ് പറഞ്ഞു.
അന്വേഷണത്തിന്റെ തുടക്കത്തില്‍ കാര്‍ യാത്രക്കിടെ സഡന്‍ ബ്രേക്ക് ചവിട്ടിയപ്പോള്‍ മുന്‍ സീറ്റിലിരുന്ന പെണ്‍കുട്ടി വീഴുകയും ഗുരുതരമായി പരിക്കേല്‍ക്കുകയും ചെയ്തതാണ് മരണത്തിനിടയാക്കിയതെന്നാണ് ആദ്യം പ്രതി പൊലീസിന് മൊഴി നല്‍കിയത്. എന്നാല്‍ ഈ വാദത്തില്‍ സംശയം തോന്നിയ പൊലീസുകാര്‍ പോസ്റ്റ്മോര്‍ട്ടം റിപ്പോര്‍ട്ട് ആവശ്യപ്പെട്ടിരുന്നു. തുടര്‍ന്ന് നടത്തിയ പോസ്റ്റ്മാര്‍ട്ടത്തില്‍ ലൈംഗികാതിക്രമത്തെ തുടര്‍ന്നാണ് പെണ്‍കുട്ടി മരിച്ചതെന്ന് സ്ഥിരീകരിക്കുകയായിരുന്നു,
കൂടുതല്‍ ചോദ്യം ചെയ്യലിനിടെ 31 കാരനായ പ്രതി കുറ്റം സമ്മതിച്ചതായി പൊലീസ് അറിയിച്ചു. അബോധവസ്ഥയിലായ പെണ്‍കുട്ടിയെ ഉടന്‍ ആശുപത്രിയിലെത്തിക്കാന്‍ ശ്രമിച്ചെങ്കിലും യാത്രാമധ്യേ പെണ്‍കുട്ടി മരിക്കുകയായിരുന്നെന്ന് പ്രതി പൊലീസിനോട് പറഞ്ഞു.
0 Comments